«davlat xaridlari» tegli maqolalar
2024-yilda 263 mlrd so‘mlik davlat xaridlari noqonuniy o‘tkazilgan — Antikorrupsiya agentligi
2024-yilda 263,9 mlrd so‘mlik 234 ta davlat xaridi noqonuniy o‘tkazilgani aniqlanib, natijalari bekor qilindi, deb Korrupsiyaga qarshi kurashish agentligi monitoring xulosalarini e’lon qildi. Ularning aksariyati SSV, Transport vazirligi hissasiga to‘g‘ri keldi.
Davlat xaridlari endilikda ikki bosqichda o‘tkaziladi
Prezident tomonidan imzolangan hujjat bilan qonunchilikka kichik qiymatli xaridning soddalashtirilgan tartibi va ikki bosqichli davlat xaridlari tushunchalari kiritilmoqda. Endi bir nechta davlat buyurtmachilari bir xil turdagi tovarlarni markazlashtirilgan organ orqali xarid qilishi mumkin.
3,1 mlrd so‘mlik 11 ta davlat xaridi qonunchilikka zid tarzda o‘tkazilgani aniqlandi
Antikorrupsiya agentligi avgust-sentabr oylarida 3,1 mlrd so‘mlik 11 ta davlat xaridida qonun buzilishi holatlarini aniqladi. Xususan, 1,5 milliard so‘mlik tenderda affillangan shaxslar ishtirok etgan. Ushbu xaridlar natijalari bekor qilindi.
Raqobat qo‘mitasi respublika bo‘ylab jami 12 mlrd so‘mlik davlat xaridlari noqonuniy o‘tkazilganini aniqladi
Raqobatni rivojlantirish qo‘mitasi Toshkent shahri, 10 ta viloyat va Qoraqalpog‘istonda o‘tkazilgan umumiy summasi 12 mlrd so‘mlik davlat xaridlarida qonun buzilishi holatlarini aniqladi.
So‘nggi ikki oyda 20 mlrd so‘mlik davlat xaridlarida qonunbuzarliklar aniqlandi
Raqobat qo‘mitasi iyul va avgust oylarida qariyb 20 mlrd so‘mlik davlat xaridlarini o‘tkazishda qonunchilik talablari buzilganini aniqladi. Tekshiruvlar natijalariga ko‘ra ma’muriy ishlar qo‘zg‘atilib, noqonuniy xaridlar bekor qilindi.
Qoraqalpog‘istondagi mahallalar qariyb 10 mlrd so‘mlik noqonuniy tenderlar o‘tkazgani aniqlandi
Qoraqalpog‘istonda mahallalar 48 ta holatda qariyb 10 mlrd so‘mlik tenderlarni qonun talablariga nomuvofiq o‘tkazgan, deb topdi Raqobat qo‘mitasi. Xarid natijalari yuzasidan ish qo‘zg‘atilib, tegishli choralar ko‘rildi.
UzAuto Motors`ning yaqin qarindoshlar ishtirok etgan 1,3 mlrd so‘mlik tenderi bekor qilinadi
Antikorrupsiya agentligi UzAuto Motors o‘tkazgan 1,3 mlrd so‘mlik davlat xaridida qonun buzilishi holatini aniqladi. Tenderda ishtirok etgan ikki korxona rahbarlari yaqin qarindosh bo‘lgan. Hozirda xarid natijalarini bekor qilish, aybdorlarga chora ko‘rish ishlari olib borilmoqda.
Davlat xaridlari tizimidagi to‘g‘ridan-to‘g‘ri shartnomalar jamoatchilik muhokamasidan o‘tkaziladi
O‘zbekistonda 1-oktabrdan davlat buyurtmachilari tomonidan to‘g‘ridan-to‘g‘ri shartnomalar ular tuzilishidan oldin jamoatchilik muhokamasidan o‘tkaziladi. Shuningdek, 1-dekabrgacha davlat xaridlari tizimining mobil ilovalari yaratiladi.
Mahalliy ishlab chiqaruvchilarga davlat xaridlari bo‘yicha imtiyozlar qisman bekor qilinadi
Prezident farmoni bilan, 2026-yil iyuldan davlat xaridlarida mahalliy ishlab chiqaruvchilarga beriladigan imtiyozlar, shuningdek, mahalliy elektr jihozlari uchun narx preferensiyalari qisman bekor qilinadi. obyektni parallel loyihalash va qurish jarayonida xarajatlarni budjetdan moliyalashtirish taqiqlanadi.
Davlat xaridlaridagi to‘g‘ridan to‘g‘ri shartnomalarda narxlarni majburiy ochiqlash tizimini joriy etish rejalashtirilmoqda
Davlat xaridlarida to‘g‘ridan to‘g‘ri shartnomani tuzishdan avval mazkur shartnomadagi narxlarni oldindan majburiy tarzda jamoatchilikka ochiqlash tizimini yo‘lga qo‘yish taklif etilmoqda. Iqtisodiyot va moliya vazirligi bu bo‘yicha prezident farmoni loyihasini ishlab chiqdi.
2023-yilda davlat tashkilotlari jami 6,6 mlrd so‘mlik 3400 dan ortiq smartfon sotib oldi
O‘zbekistonda 2023-yilda davlat tashkilotlari jami 6,6 mlrd so‘mlik 3400 dan ortiq smartfon sotib oldi. Ular orasida eng so‘nggi rusumdagi iPhone 15 Pro Max smartfonlari ham bor. budjet tashkilotlarining bu xaridlari bosh vazirning 2023-yil 5-yanvardagi topshirig‘iga zid ravishda ro‘y bergan.
Antikorrupsiya agentligi 8,1 mlrd so‘mlik noqonuniy davlat xaridlari oldi olinganini ma’lum qildi
Korrupsiyaga qarshi kurashish agentligi 19 ta holatda 8,1 mlrd so‘mlik davlat xaridlarining qonunchilikka zid amalga oshirilishi oldi olinganini ma’lum qildi. Eng ko‘p qonun buzilishi holatlari ta’lim va sog‘liqni saqlash sohalarida aniqlangan.
IMV avtomobil xarid qilish bo‘yicha ma’lumotlardagi texnik xatolikni tasdiqladi
Iqtisodiyot va moliya vazirligi hokimliklar uchun yangi avtomobillar “Mehr daftari” jamg‘armasidan xarid qilinmaganini tasdiqladi. Jamg‘arma nomining davlat xaridlari lotlarida ko‘rsatilishi STIRni noto‘g‘ri kiritish bilan bog‘liq bo‘lib chiqdi.
Prokuratura, tibbiyot muassasalari va boshqa davlat idoralari flagman smartfonlar xarid qilmoqda
Samarqand viloyati prokuraturasi 445 mln so‘mga 22 dona iPhone 14 Pro Max smartfonlarini xarid qildi. Respublika ma’naviyat targ‘ibot markazi Toshkent viloyati bo‘limi 51 mln so‘mga ikkita iPhone 15 Pro Max sotib oldi. Boshqa davlat idoralari ham smartfonlar xarid qilmoqda.
Qonun buzilishi sababli qiymati 14 mlrd so‘mdan ortiq 9 ta davlat xaridi bekor qilindi
Korrupsiyaga qarshi kurashish agentligi jami qiymati 14 mlrd so‘mdan ortiq bo‘lgan 9 ta davlat xaridi bo‘yicha bayonnomalarni bekor qildirdi. Xususan, “Sho‘rtan gaz kimyo majmuasi” buyurtmachiligidagi 9,4 mlrd so‘mlik davlat xaridida affillangan shaxslar g‘oliblikni qo‘lga kiritgan.
Xorijiy tovarlarning davlat xaridlaridagi ishtirokiga cheklovlar kuchaytirilishi rejalashtirilmoqda
O‘zbekiston hukumati xorijiy tovarlarning (hozirda 520 dan ortiq tovarga taqiq qo‘yilgan) davlat xaridlarida ishtirok etishiga cheklovlarni kuchaytirishni va mahalliy kompaniyalarga, jumladan, elektrotexnika ishlab chiqaruvchilarga ko‘proq imtiyozlar berishni rejalashtirmoqda.
Ochiq e’lon qilinishi kerak bo‘lgan ijtimoiy ahamiyatga molik ma’lumotlar ro‘yxati keygaytirildi
Prezident farmoni bilan Ochiq ma’lumotlar sifatida joylashtirilishi kerak bo‘lgan ijtimoiy ahamiyatga molik ma’lumotlar ro‘yxati kengaytirildi. 1-dekabrdan “Haj”ga borish uchun navbatda turganlar, bolalarni “bog‘cha”ga qabul qilish bo‘yicha arizalar navbati va yana 3 turdagi ma’lumotlar ham ochiq e’lon qilinadi.
O‘zbekiston SSV Samo kompaniyasidan qariyb 22 mlrd so‘mlik yod preparatini tendersiz sotib olgan
O‘zbekiston Sog‘liqni saqlash vazirligi Samo kompaniyasidan tendersiz 3,55 mln quti “Antistrumin” (kaliy yodid) preparatini qariyb 22 mlrd so‘mga sotib olgan. 2022-yilda dorining bir qadog‘i 5500 so‘mdan xarid qilingan bo‘lsa, joriy yilda 6500 so‘mdan sotib olingan. Chakana savdoda esa 3000 so‘mdan sotilgan.
Yozyovonda 1 mlrd so‘mlik davlat xaridi jarayonda qatnashgan 2 ta korxonaning ta’sischisi er-xotin bo‘lgani uchun bekor qilindi
Yozyovon tumani yo‘llardan foydalanish unitar korxonasi buyurtmachiligida o‘tkazilgan 1 mlrd 38 mln so‘mlik davlat xaridi jarayonda ishtirok etgan 2 ta korxona ta’sischisi er-xotin bo‘lgani sababli bekor qilindi. Xarid komissiyasi affillanganlik holatiga baho bermagan va tanlovni bekor qilish chorasini ko‘rmagan.
Transport universiteti o‘tkazgan 1,2 mlrd so‘mlik davlat xaridi bekor qilindi
Transport universiteti o‘tkazgan 1,2 mlrd so‘mlik davlat xaridi unda qatnashayotgan tadbirkorlarning hujjatlari elektron platformaga xarid komissiyasi foydalangan kompyuter IP-manzili orqali yuklangani uchun bekor qilindi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting